Retz - Mariazell - Retz

RMR - Ein 340 km Onedaytrip

Retz, 31.5.2019: Very much is not enough - so könnte das Motto der 3 Extremradler Windschattenwolfi, Walter100 und Michl Ka gelautet haben, als sie sich die Tour vorgenommen haben. W&W hatten ja schon in der Vergangenheit die eine oder andere Ausdauerprüfung der ärgeren art auf sich genommen, für Michl aber wars betreten von Neuland. Wie es den Jungs ergangen ist könnt ihr original in Walters Worten nachlesen...


Hi werte Free Eagle Budys und Budysinnen, 
im Winter stellte Ingi Zuser (Windschattenwolfi) und meine Wenigkeit fest, mia brauchn im Frühjoah a dickes, fettes Ding, wöches a immer, wuascht, nua gscheid blad muass sei. Da kam daunn de blede Idee mitn Bike vo Retz zu da heilign Kirchn noch Mariazö zu pilgern. Dazu kam spontan das da Rookie Michl Kaufmau a Interesse bekundete. Zum Michl muass i dazua sogn, dass der Kerl erst seit etwa 1,5 Joah am Bock sitzt und de Pedale tritt, oaga Typ, des zeigt oba das er mental a richtige Asphaltsau is (Wödmasta lt. Paulo - würd er sogn ) 

Sodale mit Himbeere ...... pünktlich um 5.35 Uhra Abfahrt vo Retz, über Strossn , Kreuzungen und no meha Strossn ( frogts mi net wo überoi, i woass des nimma ) san ma zumoi aum Traissnfluss aukämma, mit gr. Übaroschung stellten wir fest, es geht nimma weida, was tun nun in dieser Situation ( gaunze Brucka woa unta Wossa ), mei ersta Gedaunke woa schwimm i ume , na geht net weu ....... kimm i sicha ihrgendwiea in Budapest ausse und wos mich i daunn mitn Radl ..... oiso vergiss.

Gleichzeitig hauma gott sei daunk zwa Dariwuddln gesehn de ihr Radl übas Wossa trogn haubm und durch de knieatieafe Strömung hatschtn ........ na de san vielleicht depat !!!!

Passt gaunz noch unsan Motto, den bledn ghört de Wöd ....... ERNA NOOOOOCH !!! Na des woa vielleicht a Spass !!!

Drübm aukäma glei weita, üban Traisenradweg bis hoch noch Willhemsburg ....... gestärkt mit Wuaschtsemmen, Kaffee, Schokoriegln, Bananen, uvm und de Erkenntniss ....... mia san mia, stärker ois de Stiea!!! gings weita ........ daunn gings stetig bergauf, 10% - 12% ( Gscheid ) ...... mia woa fost zum räan, hob mas vahoitn, wü mi jo net blamiean voa meine Kollegieros. 

DANN ..... Mariazö, mia san do ...... GOTT SEI DAUNK ....... da Michl, da Ingi Woif und I. Essn, saufn, Fotos, mit aundare Woidviertla plaudan (de glaubm sia hiaz no mia san depat hehe )

NUN DANN schwingen wir uns auf unsere Rösser und reiten wir wieder heim sodass wir ihrgendwann wieder heim kommen zu Weib und Kinder, oder so !!! Mia bözn als wär da leibhoftige Koal-Gustav hinta uns noch, Trottl woa des geil, mia haubm de KM gfressn ois gabats ka muagn. Mia woan so schnö das i de hoibatn Ortstofln net lesn konnt , echt . In Willhemsburg wieder Wuaschsemmen, Bananen; Red Bull, Schoko, Kaffee, Schnittn und daun weita richtung hoam.

Noch da Donau is daunn sichtlich zach wordn ( mia haubm ausgschaut wiea zawuzzltes oits Zeitungspapier und hauma a se gfüht ). Des Kamptal war echt krass, berhauf, bergob ..... zum glick woas finsta do haubm mi de aundan zwa net räan gsehn. Noch Maissau a klana Lichtblick, boid is vorbei. 

Eggenburg ........ hiaz dauerts nimma laung 

Pulkau ....... jajajajajaja .... hob i in da Fruah eh des Licht im Kölla odraht und wöche Schuachgrösse hot da Papst ???

 R E T Z um 23.00 ....... da Michl , da Woifal und I 

Mia haubm se kane 5 Minuten aufghoitn , schnö ins Auto und ham zu Mamsch ( aussa de Ingi der hot nua duachs Goatntial hatsch und wao daham )

 

GROSSER DANK MICHAEL K. UND DEN INGI WOIFAL Z.   Es war mir ein Volks und Wiesenfest mit euch dieses TOLLE Abenteuer erlebt zu haben 
NEXTS JOAH WIEDA ....... na hobts an Gusta ???? hehehe

eicha Walter100

PS.: fia Rechtschreibföhla bin i net verantwortlich bzw. ghoitsas , i schenks eich ....... und aus 


 

Log in to comment
Gesendet: 04 Jun 2019 14:53 von walter100 #2732
walter100s Avatar
vo ana Skala vo 1-10 wao de Ausfoaht a glotte 10 ;)
Gesendet: 03 Jun 2019 14:22 von Wolfi Zuser #2731
Wolfi Zusers Avatar
344 km mit 2 Superkumpels- gerne wieder;

Geplant ist nächstes Jahr eine Wiederholung-

@Paolo- vielleicht als "FREE EAGLES Long Road Trip"

Euer Wolfi
Gesendet: 02 Jun 2019 18:16 von Salto Chris #2729
Salto Chriss Avatar
des hört sich eh leiwand an, fressn, saufn, Wurtsemmeln, Schokobananen, Kaffeetratscherl.....
wann i mei diät beendet hab, fahre vielleicht a mit.
Gesendet: 02 Jun 2019 13:21 von walter100 #2728
walter100s Avatar
...... bei km192 an Potschn , an flottn Schlauchwechsel und weida geht's bzw. in Wilhemsburg hots en Ingi Woifal den Sitz glockad , ois proffesioneller Schraubmdrahra hot er des a glei behobm